Dialuna den oranan di merdia, polis di San Nicolas y tambe di trafico a wordo manda cu maximo urgencia den direccion di Boca Prins.
A drenta informacion cu un UTV a bolter riba un persona. Na yegada di autoridad, a pidi pa manda un ambulance poco pura, pasobra enberdad tabata tin un persona herida, un turista, cu un fractura na su man.
E turista aki a keda pega bao di e vehiculo. Algun hende cu tabata tambe den e offroad, a baha mesora y a lanta e vehiculo pa evita cu e persona aki lo a keda bo di e UTV. Na yegada di ambulance, a atende cu e persona y a transport’e mesora pa hospital. E no tabata grave, e tabata na tino, pero si cu fractura na su brasa y dolor na su curpa. Polis tin atencion pa e caso.
