Hopi hende ta kere cu ora nan muri , e cuenta a caba. No, esey no ta berdad. Den Mateo 12:36-37 ta para skirbi: Ami ta bisa boso cu hende lo duna cuenta riba e dia di huicio di cada palabra bano cu nan papia. Pasobra segun bo palabranan lo bo wordo hustifica y segun bo palabranan lo bo wordo condena.
Asina ta cu kada un di nos lo duna cuenta di su mes na Dios.( Romanonan 14:12).
Ningun hende por haci bofon di Dios, tur locual hende sembra nan lo cosecha.
Cielo no por wordo cumpra cu bon obra, pa un hende drenta cielo e mester arepenti y kere den Cristo Hesus.
Bo por haci cuanto bon obra cu bo kier, bo por duna na pober, pero si bo curason no ta na e lugar corecto dilanti di Dios, ni bo consenshi ta limpi, bo dunamento no ta habri porta di cielo pa bo.
Si bo ta biba den scuridad, adulterio, inmoralidad, bruheria, falta di pordon, rabia,odio, arogancia, bo por haci cuanto bon obra cu bo kier pero si bo no arepenti, confesa, y aparta di bo pica, bo relacion cu Dios no ta drecha.
Si aki na tera bo bida no ta agrada Dios, ora bo muri nada no por wordo haci pa bo, pasobra tur decision pa drecha bida cu Dios, mester wordo tuma awor cu nos ta na bida. Pa gracia nos ta salba Efesionan 2:8-9.
Cristo Hesus a predica masha hopi tocante di fierno, como spiertamento pasobra fierno ta real y hopi hende lo termina den fierno door cu nan ta rechasa nos Señor HesuCristo.
Na mundo tin miyones y miyones cu e palabra cu Dios a duna den Juan3:16 no ta conta pa nan, hopi continente grandi na mundo cu no tin hopi hende cu ta kere den Cristo Hesus, y si nan no arepenti nan lo no hereda e reino di Dios.
Hopi hende no sa con privilegia un hende ta ora e tin Cristo den su curason cu siguransa di alcansa bida eterno.
P”esey tin hopi hende ta laga e enemigo desvia y distrai nan mente pa nan no sali for di scuridad y bini na e lus admirable di Dios.
Tin hende cu pa cobardia no ta acepta Cristo pasobra nan tin miedo di perde amistad, of miedo di perde trabao, of chick, pasobra nan a entrega nan bida na Cristo.
Cuanto biaha bo ta mira un homber of un muhe casa ta sinti e necesidad cu henter famia mester di Cristo, pero como nan ta stima bida di paranda, alcohol, placa , nan ta prefera sconde tras di nan cobardia y asina perde famia.
Cuanto hende no ta biba bao di intimidacion, cu nan no por acepta Cristo, pasobra e homber ta bay laga nan of e muhe ta bay laga nan, bibando bao di manipulacion di hende. Asina ta perde e oportunidad di bida eterna, pasobra nan ta cobarde pa para pa Cristo.
Capricho, curason cu no kier arepenti, duresa di curason, falta di pordon,hende stimado di nan mes, esey ta locual ta na moda, mas inmoralidad, y menos temor di Dios.
Tanto den Galationan 5:19-21 of 1 Corintionan 6:9-10 y por ultimo Revelacion 21:8 ta para skirbi esnan cu lo no hereda reino di Dios y lo termina den lago di candela.
Hopi ta kere ta un wega, pero Dios no ta haci wega, ningun caminda den Bijbel tin para cu Dios ta chansa.
Dios ta lus en den dj’E no tin nada, nada di scuridad, Dios ta Poderoso.
Sinceramente, Pastor Marcel Balootje.
