Tur cos ta cla p’e prome Parents League Soccer Tournament. Esaki lo tuma luga proximamente, den e fin di siman cu ta bin, e dianan 22 y 23 di juni lo tin e gran Parent’s League Soccer Tournament, cual lo tuma luga den Compleho Deportivo Frans Figaroa.
Asina tambe diabierna na Urataka Center a trek lot entre e ekiponan cu lo ta participando den e evento aki.
Michelle Every a conta cu e idea pa bin c’un Parents League a nace for di un grupo dama hungadonan di futbol y hunto a bin cu e parents league. Semper tabata e mayornan cu a apoya nan yiunan den nan deporte y e biaha aki, a dicidi di bolter e rolnan. E biaha aki ta e mayornan ta esunnan cu lo subi veld pa hunga y e yiunan lo ta na banda pa apoya nan mayornan.
Meta di e evento aki ta pa motiva hende pa ta mas envolvi den deporte na Aruba. A cuminsa cu futbol, pero e idea ta pa crece y involucra mas deporte manera baseball, tennis y hopi otro deporte mas. Dia 22 ta e evento ta e evento pa e mamanan y dia 23 ta pa e tatanan.
E evento aki ta estilo torneo, cu semi-final y bay final. Tambe lo tin un partido amistoso entre KPA y Brandweer y nan ta sigur cu e evento aki lo ta uno exitoso.
Aruba falta hopi atencion pa loke ta deporte na Aruba y por ripara cu esaki pocopoco a cuminsa cambia, pero toch, ainda falta un caminda largo pa bay pa tin mas hende envolvi den e mundo di deporte.
E ekiponan participante ta:
Den Liga di Mama
Pool A
1. RCA
2. Nacional
Estrella
San Luis
POOL B
1. Bubali
2. Dakota
3. Riverplate
4. La Fama
Den liga di TATA
Pool A
1. Bubali
2. Dakota
3. San Luis
4. Riverplate
POOL B
1. Nacional
2. RCA
3. La Fama
4. Estrella
Pueblo di Aruba ta cordialmente invita na e evento aki.
