Awenochi lo tuma lugar e evento grandi di ‘Halloween’ jama ‘Halloween X’. Parti patras di caya grandi a keda converti den un arena di concierto unda cu tres artista internacional lo sa di duna nan presentacion.
Ta trata aki di e famoso Dj Osocity cu tin miyones di views riba su videonan riba youtube. Tambe for di Hulanda lo tey Ir Sais cu su sin fin di cancionan exitoso. E biaha aki Ir Sais lo tey huntu co ful su banda. Tambe for di Republica Dominicana un di e exponentenan mas fuerte di e ritmo ‘Dem Bow’ lo tey. Esaki ta Bulin 47.
E evento aki ta un produccion di e emisora X-FM 102.7 y Hotshotz.
Tur cos ta cuminsa pa 8 or di anochi. Ainda tin algun ticket na Citgo Boulevard, Citgo Essoville, Bula Surfshop y pay.aw. E vip ta completamente bendi. Mester menciona cu naturalmente lo tin diferente djs y mcs cu lo sa di anima e publico. Lo tin premio pa e mihor disfrasnan tambe.
