E concepto di Aruba BBQ Express ta bin fo’i Corsou. Jonathan Ensermo a conta cu e Rubianonan cu ta bishita Corsou tabata bisa cu nan ta gusta e smaak di BBQ Express. E clientenan cu tabata bishita nan negoshi aya na Corsou a duna nan e idea pa bin cu un sucursal na Aruba. Despues di varios intento y hopi lucha, nan a logra finalmente.
Aruba BBQ Express ta situa banda di CITCO Palm Beach y ta habri for di 7:00 pm pa 2:00 am. Diamars nan ta cera y den fin di siman ta habri di 7:00 pm pa 4:00 am.
E branding ta casi mesun concepto cu esun di BBQ Express Curacao, pero cu un toke di e paisahe di Aruba. Ensermo ta menciona cu nan ta ‘super lihe’, bo cuminda lo keda cla den menos di 10 minuut. Kisas si e rij ta largo y bo no kier para den esaki, no ta un problema pasobra bo por haci bo pedido online a traves di nan pagina di Facebook. Aruba BBQ Express tin un variedad extenso di saus manera por ehempel chimichurri, creamy chimichurri, pico de gallo y garlic lemon.
Por sigui nan riba instagram y facebook: BBQ Express Aruba.
