Un tata y otro familiar a bay cu algun menor cana den Parke Arikok. Parke Arikok ta cera pero por drenta cana.
E famia a drenta via e entrada cu ta cera na Daimairi. Nan a bay pasa un rato cu famia pero a bay te Conchi. Nan yegada na Conchi nan a dicidi di drenta lama. Personal di Parke Arikok ta prohibi tur hende di landa den Conchi.
Ademas e personal pa cierto ora di atardi ta stop tur entrada cu vehiculo. Dor cu e famia a drenta na pia via Daimari tabata dificil pa sa cu nan ta den Parke Arikok. Tabata ora cu a yamada a drenta di un accidente a pone e personal di Parke move mesora.
A manda pidi ambulance pasobra tin tres hende herida. Asina cu e ambulance a yega na e centro di bishitante, mesora e personal di Parke cu nan vehiculo 4X4 a bay Conchi cu Paramediconan. Na yegada a cuminsa atende cu e victimanan. Polis tambe a ser avisa.
A compronde cu e muchanan tabata den Conchi y dos ola hopi grandi a pasa over di baranca y baha den Conchi. Algo cu sa pasa caba mas biaha. E olanan tabata asina fuerte cu a lastra e muchanan over di baranca hibanan den lama. E tata cu a mira esaki a bay na rescate di su yiunan.
A logra tenenan y sacanan for di den lama bruto riba e barancanan cu tabata tin. Un di e muchanan tabata sinti su lomba masha fuerte. Tur tres mucha a keda herida pero uno mas grave cu otro. Henter e proceso pa logra trece nan ariba na Centro di Bishitante tabat largo.
Ademas mester a carga e muchanan hibanan te ariba unda e vehiculo di rescate tabata warda. Mester a move cu hopi cautela pa asina evita cu e menornan por a haya mas daño na curpa. Finalmente despues di algun ora di trabou a logra trece tur esnan herida unda e ambulancenan tabata.
Tur esaki cu cordinacion y yudans di e personal di Parke Arikok mes. Un atardi di famia cu a hera bira un tragedia. E reaccion di e tata tambe a hunga un rol pa asina por a logra scapa su yiunan cu awe por a perde den e lama bruto rond di Conchi na e costanan panort di Aruba. Atrobe Parke Arikon ta pidi tur bishitante di Parke pa no drenta Conchi sin permiso.
