Tabata 8 minuut despues di 10:00pm na momento cu Polis patruyando den Caya Ernesto Petronia na altura di Universidad di Aruba (UA) a topa cu un Ford Explorer ta core manera nada no ta pasando.
Polis a dune señal pa para y a baha check si nan tin autorisacion pa ta riba caya durante Toque de Queda. Ta trata di tres persona den e auto y ningun por a demostra of argumenta cu nan tin “okay” pa ta riba caya. Dos ta hende homber y un ta hende muhe. E dama ta un conoci di husticia, conoci como “Judeska” esaki ta su di dos biaha cu e ta keda deteni durante TdQ. A detene algun siman atras dilanti Subway na Paradera.
A transporta e trio pa Warda di Polis y mainta lo presenta nan dilanti un Sub Fiscal kende lo dicidi kico lo pasa cu nan detencion. E multa di mil florin no lo keda afo.
