Presidente di Arubaanse Voetbal Bond (AVB) Randolf Laclé, Secretario General Dyane Wiersma y miembro di directiva Raymbert Bikker ta actualmente na Bangkok, Thailand. Nan ta cumpliendo cu AVB su deber di atende e di 74 Congreso di FIFA.
E directiva ta haya cu ta di importante pa clarifica cu e biahe aki ta completamente financia door di FIFA pa tur nan pais miembronan por atende y asina nos delegadonan por cumpli cu nan deber di representa Aruba riba e escenario internacional di futbol. Esaki kiermen cu e no tin ningun costo adicional pa AVB mes. Un total di 211 pais presente pa asina atende e congreso aki.
E congreso su invitacion tabata tin naturalmente su puntonan di agenda y mas importante tawata e votacion pa FIFA Woman’s World Cup 2027 pa asina wak cua pais lo anfitrion esaki.
Durante e bishita na Thailand tawata un wega di futbol caminda Secretario General Dyane Wiersma y miembro di directiva Raymbert Bikker tabata selecta pa asina hunga cu e team di CONCACAF y hunga contra e leyendanan manera Luis Figo, Wesley Sneijder, Tiago Mendez, Samuel Eto, Javier Zanetti y mucho mas cu tabata presente.
Durante congreso nos di AVB a reuni cu FIFA pa asina discuti topico nan interesante cu sigur nos por anuncia den futuro.
