E record di participacion via post a pone cu e resultado di eleccion na Merca a tarda. Esaki tabata un di e eleccionnan mas preta pa loke e encuesta ta pronostica. Pero tur wowo ta riba tres estado y ta trata di e estadonan Michigan, Pennsilvania y Wisconsin.
Nan tabata sa cu riba e anochi electoral no lo tin un resultado definitivo. E pandemia di COVID-19 a pone cu votacion via post a bira un cifra historico di Merca, loke ta complica e conteo den algun estado clave cu por dicidi kende ta bay Cas Blanco (White House) dia 20 di januari 2021 awo. E estadonan Michigan, Pennsilvania y Wisconsin tabata esnan cu a dicidi p’e victoria di Donald Trump na 2016. Tur cos ta indica cu si e bolbe gana, esaki ta danki na e estado aki un biaha mas.
![](https://24ora.com/wp-content/uploads/2020/11/57c3a0e74d9206b221130d68dee6fe256c87c01ew.jpg)
Na Michigan cu diesseis voto electoral, autoridadnan a adverti cu e reconteo oficial por caba dia 6 di november. Segun Trump e estado aki el a gana na 2016 cu un margen chikito: 10.704 voto. E encuestanan ta mustra cu e aña aki ta un victoria pa su contrincante Joe Biden, pero ainda tur cos ta habri.
Wisconsin tin dies voto electoral y e gobernador Tony Evers a bisa di spera di haya e resultadonan den oranan di atardi despues di e dia di eleccion. Na 2016 Trump tabata e prome republicano pa a gana e estado aki despues di mas di tres decada cu 23000 voto. E biaha aki Biden tabata na cabes segun e encuesta.
![](https://24ora.com/wp-content/uploads/2020/11/4cc6ed3ca6f5990c538b862418274f9ed8cd55f8w.jpg)
E clave definitivo di e eleccion aki ta Pennsilvania, cu su 20 voto electoral, cu no lo caba di conta te 6 seis di november. Esaki ta debi cu nan no lo cuminsa conta te ora haya e ticketnan di voto via post te dia di eleccion. Merca y mundo henter ta pendiente riba resultado di e tres estadonan aki. E candidatonan ta consciente di esaki pero Biden so a pidi pa tin pasenshi. Desde algun luna Trump a purba di kibra e votacion di post door di yama esaki “fraude,” pero riba Twitter el a acusa oposicion di ta purba “horta” e eleccion. Despues for di Cas Blanco el a exigi conteo di voto pasobra e ta afirma sin prueba di a gana y cu oposicion ta purba di kita su victoria.