Inkspiration Tatoo Studio tin un iniciativa masha bunita mes. Nan ta organisando un tremendo evento pa mucha. Door di bin cu un coy hunga, bo por haya un tatoo gratis.
Kenny Montero di Inkspiration Tatoo Studio situa net band di Sandbar, a splica cu bo ta bin cu un regalo chikito y ta intercambia esaki pa un tatoo chikito.
E regalonan recauda ta bay pa un instancia, esta muchanan cu den December no ta haya regalo. Hunto cu Fundacion pa Nos comunidad, kende ta maneha e logistica, cua ta e casnan cu lo haya regalo, lo bay parti esaki pa e muchanan.
Ta invita un y tur, trece un regalo. Lo bay tin suficiente artista pa handle tur hende y e ta bay pa un bon causa.
Ta trata aki di un tatoo pa persona. Ta pidi pa tur hende por pensa riba e causa. E ta algo pa duna bek. Un regalo di sikiera minimo 50 florin ta mas cu suficiente y bo ta haya un tatoo di 2inch pa 2inch. E por ta kico cu ta.
E evento lo tuma luga diadomingo awo. Bin cu bo regalo, e ta un bon causa. Aunke bo no gusta tatoo, bo ta mas cu bon bini pa trece e coi hunga pa e muchanan.
Diadomingo te awor aki nan ta tres artista. Tin mas hende cu lo bay bin yuda. E lo ta algo cu ta hopi lihe. First come first serve y depende con druk lo bay bira, bin cu pasenshi. Ta un manera pa duna bek. E interes ta pa haci tur hende contento. Haciendo otro hende contento, bo ta bezig ta haci bo mes contento.
E invitacion ta pa pasa diadomingo awo na Inkspiration Tatoo Studio. Bo por bin cu un coy hunga y e lo bay pa un bon causa.
E evento lo ta di 12’or di merdia te cu 10’or di anochi. Asina ta, bin pone bo tatoo, pero alabes contribui na un bon causa. E muchanan lo keda sumamente contento cu e aña aki nan lo tin un regalito bao di kerstboom.
