Dialuna anochi, den careda di 7:20 pm, a sosode un accidente ariba e caminda di Arendstraat. N’e momento aki e transporte policial tabata bayendo direccion nan warda na momento cu nan a accidente.
Mientras cu nan tabata direccion pa warda, na dado momento un MG color blanco number A-529494 a sali di Fordstraat y subi ariba e caminda. Chauffeur di e MG no a duna preferencia na e transporte policial. E agente policial no por a evita y a dal contra di e MG.
Polis di trafico a presenta na sitio pa tuma dato di e accidente. Chauffeur di e MG a ricibi un poco sla debi na e impacto. Ambulance a presenta na sitio pa controla e chauffeur.
