Un gran parti di e pueblo di Aruba no tin transporte publico y ta haci uzo di Arubus. Sea pa bay dokter, haci compras, bay scol, traha, etc.
Mirando e importancia di esaki, ARUBUS a keda como un compania nacional di transporte. Awe cu e trahadonan a bay den un protesta pa cortamento den salario, esaki a afecta hopi hende. Tin usuarionan afecta solamente cu nan mester a pospone nan biahe pa bay cumpra algo, pero otronan cu tabatin cita importante di dokter, pa cual nan a warda algun luna, a haya nan mes para na pia.
Tambe tin personanan cu ta depende pa yega nan trabou y ta preocupa. Nan ta bisa cu e transporte publico mester por confia riba dje. Cada bes cu e transporte ta laat of nan bay den welga / protesta e usuario ta esun perhudica pa motibo cu no solamente e ta yega laat trabou, pero tambe nan ta corta den su salario.
Otronan ta bisa cu e fastioso ta cu e busnan chikitonan ta pasa completamente yen. Tin di nan ta trata di haya lift pero no ta logra.
A topa cu mama tambe sinta cu nan yiunan. Nan mes no tin auto, p’esey ta haci uzo di bus tur dia, canando di cas te na caminda grandi y keda warda cu e muchanan te ora cu e bus yega. Ta pasa den asina hopi obstaculo y awo e muchanan ta haya un muha di e awasero y no tin forma pa yega scol y mester keda cas.
Transporte publico ta hopi necesario pa e algun persona cu ta haci uzo di esaki.
