Awe alrededor di 3.00pm a sosode un accidente riba e caminda di Tanki Leendert, poco prome cu Acropolis Plaza, algun shen meter leu di e rotonde di Tanki Leendert.
Un auto marca Toyota modelo Yaris color cora tabata bayendo direccion nort, ora a topa un Toyota Tercel color di lama biniendo for di direccion contrario, (biniendo di zuid), el a kita na man robes y dal frontal den e Yaris.
Debi na e impacto, e Yaris a draai casi 180 grado djey bay dal den un Chevrolet Spark color blanco cu tabata para na e T-Weg cla pa subi caminda grandi.
Den e auto chikito modelo Spark tabatin dos cacho y e chauffeur, danki Dios ningun a resulta herida. Mientrastanto den e Tercel tabatin un mucha di 8 aña cu a ricibi sla na cabes y e chauffeur mes di e Toyota Tercel color blauw tabata sinti basta dolor na pecho.
Ambulance a presenta na sitio pa atende cu tur e victimanan. Specialista di trafico di Polis tambe a presenta pa haci e investigacionnan necesario.
Na final ambos Toyota mester a bay riba takelwagen mirando cu nan a keda “total loss”.