Den area di Sero Biento, banda di un cas bandona, a bin descubri un vehiculo cu su doño tabata busca. Ladronnan a bay cu esaki.
Awe mainta den un area basta scondi, patruyanan di Santa Cruz a bin topa na un cas bandona, a topa cu un auto. Ta trata di un Toyota Yaris, color di oro. E number ta A-44318. E vehiculo aki a resulta uno procedente di robo. Pa sigui cu e investigacion, Takelwagen a transporta e vehiculo pa Warda di Polis na Santa Cruz.
Por a nota na e sitio cu tin movecion si eybanda, ta mustra cu e luga ta frecuente probablemente pa adictonan ambulante. Den cercania, a topa cu un otro auto mas, pero esaki si tabata mustra basta desmantela caba.
Recherchenan ta investigando e caso aki.