Awemainta Sra Rosita Baarh a entrega 6 ehemplar di e buki pa mucha ‘Toto y Chubi ta nabega bay Boneiro’ na director suplente di Biblioteca Nacional Aruba sra. Lilian Semeleer. Sra. Rosita Baarh a traduci e buki di Sr. Paul Eckhardt di Hulandes pa Papiamento.
E ta un asina yama ‘omkeerboek’ (buki di dos banda) cu e storia den dos idioma. Sr. Paul Eckhardt ta un pediatra cu ta(bata?) traha como “invaller” na Aruba y a skirbi e storia aki. Sr. Paul Eckhardt a busca contacto cu ilustrador y autora Irmgard Frans di Aruba cu e peticion pa ilustra e storia. Y asina nan dos a keda den contacto y a realisa e trabou. UNOCA a subsidia e imprenta di ‘Toto y Chubi ta nabega bay Boneiro’. 
E buki lo ta disponibel den Dept. Hubenil na Oranjestad y San Nicolas. Pronto e buki lo ta na libreria y tambe scolnan na Aruba. Toto y Chubi tin otro aventuranan cu ta na caminda. Keda pendiente di esaki.
