The Aruba Timeshare Association su iniciativa di training rond e isla, presenta pa CHTA Education Foundation, a haya un bunita sorpresa riba diahuebs, prome di december 2022 por medio di Tom Pas cu a pasa un rato pa combersa cu e 24 supervisornan. Pas tabata gerente di Education Foundation entre 2002 cu 2013 y ta pasiona riba su desaroyo personal y yuda otro hende haya un chens pa mehora nan bida profesional.
E ex-gerente a bisa e grupo: ‘Ami ta kere den educacion. Mi ta pensa cu bo mester haya mentornan fantastico durante bo trayectorio den hospitalidad. Como un jong waiter, mi mentor tabata vice presidente na Disney Europe, como un banqueting manager mi mentor tabata un asistente personal na Reina Juliana. Mi tabata sinti cu mi por a logra tur cos. Como un General Manager mi a guia Playa Linda Beach Resort & Time Share den fasenan di apertura dos y tres. Mi a duna guia di mentor na un tremendo room attendant pa ta mi supervisor di housekeeping principal y mentor Francis Ridderstap, mi a mand’e na NY Nassau College, USA, anto el a bay over na wordo celebra como e CHTA Supervisor of the Year y ta briyando actualmente na Aruba Divi Leisure na posicion di Manager.’
‘Mi semper tabata tin metanan – inicialmente pa mi bira un docente, y mi a logra esaki por medio di mentoring. Mi kier a bira miembro di un flight crew pero na mi haltura di 6’4 mi no tabata fit den e avionnan di islanan chikito. Mi tabata determina pa bira un manager jong na edad di 20 aña mi a bira un night manager na Hilton Curacao, na unda e manager- y huespednan tabata semper corda mi. Cuater aña despues nan a contrata mi pa habri cuater Holiday Inn Hotels na Sur Africa. Mi semper a enfoca y concentra na loke mi tabata kier a bira.’
‘Cada persona ta un strea, pero tin biaha nos ta faya pa reconoce e strea. Puntra bo mes, con mi por briya? Por medio di traha duro y sabi. Aki aya, puntra bo hefe, con bo ta haya mi trabao? Con mi por mehora? Y tuma accion adecua, nunca stop di siña.’
Pas a conclui cu un palabra di motivacion pa e supervisornan pa nan pasa pret y bon mientras nan carera ta progresa. E tambe ta curasha nan pa aplica pa scholarships den hospitalidad obtenibel via e Education Foundation. Karolin Troubetzkoy, Chairwoman actual a bisa cu ‘The Education Foundation ta gradici Tom pa su sosten continuo y AHATA pa nan compromiso cu Aruba. Nos ta hopi contento di por ta partner cu Aruba Timeshare Association, den e proyecto di training actual den hospitalidad y turismo cu ta sold out rond e isla.’
Siña mas tocante e oportunidadnan di training y scholarships obtenibel na chtaef.com
ATSA
The Aruba Timeshare Association [ATSA] ta e entidad legal representando e interes special di timeshare dentro di e isla su sector di turismo.
ATSA a wordo estableci na 1994 y ta actualmente conta e miembresia di mayoria propiedad di timeshare na Aruba, como tambe condominium co-op associations. E asociacion ta traha riba un nivel local, como un miembro di AHATA, y otro organisacionnan local manera tambe entidadnan gubernamental. Riba un nivel regional, na unda Aruba ta continua den ricibi reconocemento manera un modelo di destinacion di timeshare, ATSA tin conexion profesional cu Caribbean Hotel & Tourism Association y ta beneficia di colaboracion continuo cu ARDA, American Resort Development Association.
The CHTA Education Foundation ta un fundacion independiente regional estableci na 1986 cu mandato pa mehora y eleva calidad di profesionalismo di nos industria di turismo y hospitalidad den Caribe por medio di educacion y training. The Education Foundation a sostene varios academico Arubano den nan trayectorio academico y cualificacionnan tecnico, tambe a partner pa brinda varios training y tayer riba nos isla na unda por disfruta di conecta cu diferente profesional den hospitalidad y turismo den un manera hopi activo.
The Education Foundation ta yama bon bini na e iniciativa di ATSA pa colabora cu un socio regional y tuma accion pa eleva profesionalnan clave den hospitalidad y turismo. Supercharged Service ta tur hende su negoshi. 14 dia di training practico den tactica y conocemento ta wordo ofreci pa supervisors, Food & Beverage professionals, y tambe housekeeping team members, banda di ATSA- sponsored student scholars.
Aruba Tourism Authority: Como e destination marketing y management organization [DMMO] pa Aruba, A.T.A ta responsabel pa unifica interesnan di turismo dentro di e on y off-island stakeholders/partners cu e meta pa coordina destination marketing, destination development y destination partnerships.
