Otmar Oduber: Programa di Gobernacion di MEP y POR ta basta similar

Lider di Partido POR, Otmar Oduber, mescos cu partido MEP, a reuni cu informador mr. Arie Swaen, hunto cu secretaria mr. Helen van der Wall, unda a reuni riba un posibel formacion di un Gobierno nobo.

Durante e reunion aki, segun Oduber, cual tabata un poco largo, a discuti riba puntonan cu a trece dilanti na Gobernador siman pasa. Hopi di e puntonan cu a trece dilanti siman pasa, como partido, Oduber a mira bek den e opdracht tambe cu informador a haya.

Puntonan di atencion sigur cu por a discuti riba nan awe ta envolvimento di un nulmeeting riba e situacion financiero di nos pais. A haci un peticion urgente pa por logra esaki. Esey ta loke a wordo discuti awe tambe, con lo dun’e forma, kendenan lo mester ta envolvi.

Toch tur cu tur, a pone hopi atencion riba partinan cu ta hinca tambe den e programa di gobernacion di POR. Hopi punto cu a wordo treci dilanti, no solamente riba e aspecto financiero pero tambe e aspecto di integridad den gobernacion y e forma cu ta mira institutonan cu ta existi caba mester wordo reenforsa na un forma hopi severo.

Un Gobierno cu ta sinta pa 4 aña, cu ta crea stabilidad, cu ta crea confianza den comunidad. A mustra riba e hecho tambe cu kierta un partido cu ta cana dilanti riba e creamento di e confiansa aki den e instituto politico na Aruba.

Andin Bikker a trece na varios ocasion dilanti e hecho pa loke ta trata Parlamento di Aruba, cu kier mira cambio pa loke ta trata reglamento di ordo, formanan cu ta hiba debate. Atrobe e transparencia cu tin cu existi entre Gobierno y duna Parlamento e oportunidad berdadero pa nan haci nan trabao independiente y pa controla Gobierno den nomber di Pueblo.

Ta algun di e puntonan cu a resalta awe y caminda cu a palabra cu diaranson venidero lo bin bek hunto cu informador, cu algun informacion adicional cu lo manda pa nan persona tambe y di e forma ey lo mustra riba ehecho cu awor aki tempo no ta na banda di cualkier Gobierno cu mester wordo forma. Tin un situacion cu mester atende cun’e pa loke ta trata presupuestonan. Presupuesto ta hopi preocupa pa e aña aki ainda, cu mester traha un presupuesto supletorio cu no kier specula, pero cu ta mustra cu e deficit na likides ta basta grandi, pa no papia di e presupuesto di 2018, cu naturalmente tin su riesgonan tambe cun’e, cu si e no wordo entrega na ora of si e no ta completo, of e credibilidad di e presupuesto ey no ta na e nivel cu ta desea, cu esaki por crea problema pa gobernacion tambe, cua Gobierno cu lo wordo forma, pa prome di Januari 2018.

Segun Otmar Oduber, nan a keda riba e mesun liña. A wordo puntra riba e hecho cua ta e partidonan cu nan ta sinti cu por Goberna cu nan, cua por cera un coalicion cua no. Den e caso aki a mustra riba e hecho cu partido MEP tin un similaridad hopi grandi den e programanan di partido. Riba hopi tereno por mira cu ta match, ta convivi cu otro, riba e preocupacionnan cu tin den comunidad. A bisa bon cla cu e aspecto di husticia y insiguridad cu ta existi riba nos isla ta un prioridad number un, no solamente pa partido, pero algo cu a vislumbra a base di un proceso caminda cu a papia y consulta cerca mas di 70 diferente organizacion na Aruba na Januari/Februari di e aña aki. Tambe aspecto economico, naturalmente mester tin stabilidad.

E unico forma cu lo atende cu tur e problemanan cu Gobierno ta hay’e confronta cu nan of mester alivio, door di tin un economia cu ta creciendo. Un economia cu por ta positivo pa reduci na prome luga e debe di pais Aruba, paga bo gastonan y percura cu bo por tin un maneho den e diferente carteranan y esaki ta inclui e bienestar di comunidad id Aruba Entrada di nos hendenan a bay drasticamente atras pa loke ta trata comparacion di costo di bida, mester haya atencion. E dosnan aki sigur tabata parti di e prioridadnan cu a presenta na comunidad, banda di naturalmente e aspecto di salubridad, di enseñansa y cada un di e otro topiconan cu a atende. A mustra sr. Informador un biaha mas riba e importancia cu esaki tin. E ta bay ta creciendo den importancia di awor te fin di aña y sigur pa comienso di otro aña.

E programanan di MEP y POR ta basta similiar. Tabata tin e prome encuentronan inoficial cu a tuma luga entre e comisionnan cu a intercambia di pensamento di partido MEP y partido POR y den e direccion aki tin cu sigui cana na e momentonan aki. Sa cu tin diferencianan di pensamento, opinion y den programa pa loke ta trata partido RED. A papia riba esaki tambe cu sr. Informador. Sin embargo ta kere cu un base mas amplio posibel ta keda un prioridad pa tin un gobernacion stabil pa futuro. Pero tin cu wak tambe e aspectonan aki, e pgorama di locual e partidonan ta para pe hopi di cerca pa sigura e continuidad pa tin un gobernacion di cuater aña.