Jermean Kaersenhout y Gabrielle de Mey ta na Bucaramanga, Colombia, cu nan baby Ronin. E ta interna pa shete luna na Fundacion Cardiovascular pa motibo cu e tin problema di salud. Ronin a nace dia 29 di september 2020 den bon condicion y salud.
Na principio tur cos a mustra bon, asina de Mey a bisa. Ronin a nace cu bon color, bon tamaño y tabatin un yora fuerte. Loke a ripara ta cu e pia ta tiki krom, pero durante dunamento di pecho a ripara cu esaki no a bay bon. E baby mester a haci hopi esfuerso pa haya lechi. Un otro cos cu e mama a ripara tabata un buraco den shel’i boca y a yama pediatra. Di biaha a cuminsa haci chekeo y a scucha cu e curason tabatin un hartruis duro.
A manda nan cu air ambulance pa Bucaramanga, unda a intern’e den icu pediatrico. E reglanan ta hopi streng y esaki ta debi na e pandemia di COVID-19. A haci diferente investigacion. Gabrielle no por keda cu Ronin pero tampoco por bishit’e tur dia ya cu 2 ora pa siman so mag ta presente y e otro dianan ta via video call.
Despues di tur investigacion haci, a bin haya sa cu e tin infeccion.
Nan a haya sa cu su beenmerg ta birando pio, e tin cel cora abou y tin anemia. Pero tambe a haya sa cu su celnan blanco, cu ta proteha hende contra infeccion, tambe ta bahando y lihe. Esey ta pone cu Ronin ta sigui haya infeccion. E mayornan ta mira con fuerte nan yiu ta.
Nan no ta di acuerdo cu dokter Hulandes, pasobra ta basa nan mes riba loke ta poni por escrito. E dokternan Hulandes no ta evalua e caso di un mucha Hulandes pa trat’e, asina e mama a indica.
Nan mes tabata dispuesto pa paga air ambulance momento cu Ronin tabata intubated, pero ni esey a pasa. Intensivist di Bucaramanga mes a haya e situacion erg, no tabata di acuerdo cu decision di Hulanda. E mes a tuma contacto cu otro colega riba e caso aki. Pero e chens di baby Ronin pa sobrevivi ta chikito.
