Dokter Wilmer Salazar durante e conferencia tambe a splica riba diferente desaroyonan internacional, caminda diferente tipo di influenza a cuminsa aumenta. No mester papia di Influenza, sino sindrome respiratorio agudo viral. No solamente Influenza ta causa infeccion di pulmon, sino tambe tin otro virus cu ta afectando actualmente nos region di Caribe y Sur America. Na Norte America ta cuminsa incrementa e cantidad di caso di Influenza tipo A H3N2. Na Europa ta cuminsa aumenta e casonan di Influenza tipo H3N2, pero tambe e Influenza tipo B. Na Sur America y Caribe henter, tin circulacion di virus respiratorio cu ta RSV, cu ta afectando hopi mucha y cu ta causando hospitalisacion pa motibo di complicacion cu nan tin den e region di Caribe y Sur America. Esey tambe ta un punto importante cu tin otro virus, e virus di ParInfluenza 1,2,3 cu tambe ta causa mesun sintoma cu Influenza cu por confundi cun’e. Ta importante pa e dokter ta alerta y haci e testnan necesario y hiba un trend di loke ta sosodiendo awor aki. E dos virus ya menciona, H3N2 y e virus di Influenza tipo B, ta contene den e vacuna. Ta un vacuna Cuadrivalente, cu tin adicionalmente un otro sorto di virus, Influenza tipo B y esey a demostra cu ta aumenta e inmunidad, e proteccion pa e hende cu ta wordo vacuna. Esey ta e motibo cu cada aña Organisacion Mundial di Salud y tur Instancia di investigacion y salubridad publico di mundo ta registra e cantidad y tipo di virus cu ta circulando y asina nan ta haci’e un vacuna. Pa e virus RSV, no tin vacuna. E miho proteccion ta e higiena, evita tene contacto cu hende cu tin griep, of cu tin e sintomanan y haci uzo di su higiena principalmente pa por evita esey segun dokter Wilmer Salazar.
Dokter Wilmer Salazar durante e conferencia riba Influenza a splica cu e grupo di risico cu ta mas pa desaroya un complicacion pa e tipo di griep aki, e tipo di Influenza, of di virus respiratorio, ta hende mayor di 60 aña, hende cu tin algun malesa cronico, curason, riñon, dialysis, diabeticonan, hende cu sobrepeso, hendenan cu problemanan inmunologico, hende cu malesanan infeccioso, hende cu tin problema cu higra, muchanan entre 0 pa 2 aña, mester vacuna. E ta un obligacion di e mayornan y di hende cu tin tur e factor di risico aki, haya e vacuna. E vacuna no tin ningun tipo di complicacion grave como tal. Mas tanto e ta protehabo den un forma integral y hende na estado tambe ta recomendabel haya su vacuna pa proteha e baby cu tin den dje, pa cierto of eventual complicacion cu despues e lo por lamenta. Tur esaki Dokter Wilmer Salazar a trece dilanti durante e conferencia di prensa. Tin grupo cu factor di risico cu mester haya e vacuna. Pesey ta pidi na tur comunidad, incluyendo hende cu ta sano, no solamente cu ta pidi proteccion di dje, hende cu ta traha cun’e, famia, publico en general, haya e vacuna lo mas pronto cu ta posibel pa nan keda protehi di un manera efectivo.
E proteccion di e vacuna ta dura diez dia e organismo ta produci anticurpa pa e por funciona completo, ora haya e vacuna di influenza. Tur hende por haya e vacuna. Dokter Wilmer Salazar a splica cu e condicion por cambia a base di e tipo di persona. E inmunidad cu e persona ta keda cune por trece mas problema. Ta preferibel pa tuma e vacuna cu core e risico. Si algun cu tin algun sorto di enfermedad y tambe sano inclusive, por haya e infeccion di Influenza. Ta importante pa hende cu tin algun duda, consulta su dokter y por orienta mas miho, cual ta mas efectivo y ki ora e por haya su vacuna.
E condicion por varia. Un persona cu su inmunidad lo por keda un tiki abao. E proteccion no lo bay ta un 100%. Sin embargo, e persona por tin e inmunidad cu ta keda cune, por evita mas complicacion cu lo normal. No ta kita cu e no lo por haya Influenza. Pero e complicacion lo bay ta mucho menos. E risico di complicacion ta mucho menos. Pesey ta preferibel haya e vacuna, cu lo por tin algo di proteccion cu lo haya nada y cu e peliger latente cu bira complicacion eynan.
Hendenan mayor di 60, e sistema inmune ta mescos cu un hende mas hoben. Pesey ta importante pa haya e vacuna. Si e tin proteccion pa por yuda mantene un nivel di complicacion abao di dje. Esey ta importante. 100% e no ta proteha. Den e caso aki, e composicion di vacuna, tin cu tene cuenta cun’e. Pesey ta importante consulta e dokter.
Tin otro alternativa. Si un persona por ehempel di edad cu tin algun problema cu e vacuna, no por haci e efecto di rebaño. Bo ta vacuna e hende cu ta biba cun’e, y bo ta protehe. Tin un programa riba esey. Si un persona tin famia, cu tin problema cu no por haya vacuna of pa cualkier motibo, e famia por haya e vacuna y e ta proteha e persona cu ta debil of cu no por haya e vacuna. Esey tambe ta valido, segun e dokter.
