Durante un conferencia di prensa Alex Croes, propietario di Gianni’s Nutrition Center a anuncia cu a base di nan licencia pa importa productonan cu derivado di Cannabis, nan tin 27 producto cu por pone na benta.
El a papia di 27 producto, di cual 6 tabata riba mercado caba. E otronan a haya nan aprobacion dia 2 di december ultimo. Cada bes cu un producto haya su aprobacion, lo pone na benta den Gianni’s Nutrition Center.
Tur e productonan aki deriva di hemp, tin pa pa hopi aña caba aprobacion di FDA na Merca. E productonan aki ta originario di Hapon, despues a bay pa India. El a drenta hopi añanan despues den e cultura indjan na Merca y esey si a cuminsa menciona e palabra marihuana.
Loke ta trece Aruba ta un producto medicinal deriva di hemp. E ta un di e shen famia di e mata di marihuana, pero ta isola e resto di producto dañino y uza solamente legal y no ta crea ningun consecuencia mental y tampoco ta uza esaki no por test positivo pa uzo di droga.
