Tur aña hopi hende cu ta campando ta busca manera pa pasa momento agradabel. Na Arashi, un grupo di famia cu ta campa ta disfruta un anochi di musica dje banda Ozone.
Tico Giel, campado, a splica cu pa shete aña mas o menos e grupo di banda di rock, cu ta amigo di nan, ta bini hunto pa asina toca. Ta dos banda cu a uni y ta tuma e tempo aki como un training. Tur aña e banda ta toca gratis p’e famia.
E banda mes ta bin cu tur nan instrument y hunto nan ta toca. Incluso e campadonan bisiña y mas hende ta yega cerca nan pa asina disfruta dje canticanan. E aña aki tabatin menos persona compara cu e añanan anterior.
Giel a gradici e banda cu ta presenta tur aña y toca pa nan. Tambe el a gradici tur hende cu ta coopera cu nan.
