Diadomingo net un poco despues di 1’or di merdia ta sosode un accidente basta pisa net riba e caminda grandi di Santa Cruz, dilanti di 8 Food Mart.
Na e sitio por a mira cu tabatin dos vehiculo envolví. Un Honda HR-V Nr-6789 a accidenta cu un Toyota Tercel Nr-42664. E Tercel tabata biniendo di Sabana grandi a yega net na e T kruising y e Honda riba caminda di Macuarima bayendo direccion rotonde di Balashi. E Tercel a sali dilanti di Honda y a accidenta net dilanti di 88 Food Mart.
Daño material ta basta den ambos auto y por mira cu e Honda ta un auto basta nobo. Ambulance tawata necesario pa asina duna ambos chauffeur asistencia medico paso tawata keha di dolor. Polis di trafico tambe a presenta pa tuma datos y haci investigacion.