Den fin di siman tabatin e competencianan di Aruba International Regatta a tuma luga na Surfside. E tabata dos dia yena di competencia, cu a conta cu participacion tambe di botonan miniatura.
Team Ragamuffin a defende nan titulo y a gana prome luga den e di 13 edicion di Aruba International Regatta.
E bataya pa e titulo maximo tabata uno dificil cu resultado hopi cerca den e competencia. Den biento suave te modera cu su direccion ta varia 5-15 grado a demanda concentracion y tactica pa keda dilanti. Team Ragamuffin cu Vivian Hankart na timon ta un team di hoben entrena pa Anthony Hagedoorn den e deporte di bela. Nan nivel ta avansa y nan ta cla pa Regatta di Boneiro na october.
Aruba International Regatta organisa pa Rik van der Vaart y su team ta un evento basa riba sostenibilidad, naturalesa y pa conecta, specialmente e muchanan den un deporte di bela.
Pa prome biaha a logra un Multihull Class cu tres catamaran grandi a competi. Ademas varios categoria a competi di Yachts pa Sunfish, Beach Cats, F-11, Optimist Cube y e Micro Boats.
Ganadonan adulto tabata:
Sunfish
1. Richard van der Wal
2. Zane Winterdal
3. Jan Jaap van Russen Groen
BeachCat
1. Joost Saris / Diederik Kemmerling
2. Greg Marchena
Live-Aboard Open Yachts
1. Captain Les Long with Airpower
2. Captain Stephane Guenegou with Zebot
3. Captain Ingolf Schaedlich with Junkaroo
Multihull Yachts
1. Captain Martin van der VeldenThonic Team
2. Captain Martin Molina with Moondog
3. Captain Sergio Dubero with Inspiration
Racing Yachts
1. Captain Vivan Hankart with Ragamuffin
2. Anthony Hagedoorn with Tranquilo
3. Eric Mijts with Dash
Premionan tabata cortesia di ATA y entrega door di Tita Iglesias.
