E team di Noord Taekwondo Center di Master Melvin Rasmijn, Master Yoshmar Wever, Master Miguel Genser y Maurichs Croes di Noord Taekwondo Center ta train mas duro cu nunca pa e Aracari Taekwondo Cup. Nan ta pone hopi atencion ariba e preparacionnan pa asina nan ta bon prepara p’e competencia di dia 24 di juni, cu lo tuma luga den Centro di Bario Brazil.
E team di Noord Taekwondo Center a bira mas grandi despues di Cas Bon Taekwondo Cup. Algun atleta cu no a subi e podium a haci cu e gana pa participa ta hopi mas grandi. E team di Noord Taekwondo Center tin hopi sed pa bringa.
Shenille “Dudy” Perez, kende a perde den Cas Bon Taekwondo Cup, a cuminsa train mas duro y ta pidi un revancha. Shenille Perez kier gana den Aracari Taekwondo Cup pa sigura su luga den Best of the Best Truescore Aruba Series. Noord Taekwondo Center no solamente a bira mas grandi, pero a bira e luga den area di Noord y hopi mayor ta hiba nan yiunan.
Master Miquel Genzer y Master Yoshmar Wever ta premira cu Noord Taekwondo Center ta bay cu e Copa di Aracari Taekwondo Cup.
E mayornan di Noord Taekwondo Center a manda un mensahe pa e directiva di Brazil Taekwondo Stichting pa yena e cushina, pasobra nan ta bin pa come tur cos y bay cu e Copa.
![](https://24ora.com/wp-content/uploads/2023/06/Noord-Taekwondo-Center-Juni-14-2023-3.jpg)
![](https://24ora.com/wp-content/uploads/2023/06/Noord-Taekwondo-Center-Juni-14-2023-13.jpg)
![](https://24ora.com/wp-content/uploads/2023/06/Noord-Taekwondo-Center-Juni-14-2023-17.jpg)
![](https://24ora.com/wp-content/uploads/2023/06/Noord-Taekwondo-Center-Juni-14-2023-21.jpg)
![](https://24ora.com/wp-content/uploads/2023/06/Noord-Taekwondo-Center-Juni-14-2023-23.jpg)
![](https://24ora.com/wp-content/uploads/2023/06/Noord-Taekwondo-Center-Juni-14-2023-25.jpg)
![](https://24ora.com/wp-content/uploads/2023/06/Noord-Taekwondo-Center-Juni-14-2023-26.jpg)
![](https://24ora.com/wp-content/uploads/2023/06/ARACARI-CUP-24-JUNI-@-TEAKWONDO-GRANDI-2023.png)