Diasabra a tuma luga e ultimo tayer di e proyecto “Intercambio de Saberes” na Biblioteca Nacional. Un tayer cu a cuminsa na april.
Olga Londoño, ta un artesano local y a bisa cu e ta sintie hopi orguyoso y contento cu e proyecto aki. Londoño a indica cu nan a desaroya diferente tayer, tanto na Colombia como na Aruba. El a consisti di tres representante di Aruba.
Nan a bay diferente luga na Departamento del Cauca, Colombia pa tuma diferente les. Nan ta traha joyas, nan a traha tela, nan a traha klei, nan a traha cu diferente material y diferente tecnica. Y nan a te hasta haya un tayer di cushina tradicional Colombiano
Awo cu e tayer ta culmina, e por bisa cu personalmente e ta haya hopi mixed feelings. Durante e tayer aki el a siña conoce hopi hende, a cera amistad, a siña conoce hende cu tin pasion y amor pa arte. E ta sigur cu e ta e final di un proyecto, pero e ta un comienso di hopi mas. E tin speransa cu esaki.
Mas aleu, Olga a bisa cu e ta contento cu el a haya sosten di e comunidad cu a gusta nan tayeranan, cu nan kier sigui siña. Ta precisamente e apoyo y entusiasmo aki ta cu ta duna nan e iniciativa pa sigui, pa bin cu mas proyecto.
E proyecto aki ta un iniciativa personal, pero danki na Fundacion Pulso, cu a scucha nan y a haya un manera pa recauda fondo pa realisa esaki, pa a hacie un realidad. E siguiente paso ta cu lo sigui traha pa realisa mas proyecto, pasobra cu nan a gusta cu nan a bay tambe pa haci tayer na scolnan.
Duna tayer na e scolnan ta un manera tambe di desaroya e creatividad di e muchanan. Tin trabou pa haci y mester sigui pa traha pa structura pa haci esaki.
Pa mas informacion, por busca informacion cerca Fundacion Pulso riba nan pagina di Facebook.
E tayer tabata tin diferente specialidad. Por ehempel, un di e coleganan, Maria Elena su specialidad ta traha arte riba mosaico, mientras cu su colega Faustta su specialidad ta diseño di tela y di moda.
Olga mes ta specialisa den pirografia, cual ta kimamento riba palo y tambe e ta pinta riba palo. Nan ta haci trabounan specialisa.
Pa mas informacion di nan trabou, por tuma contacto cu nan via e fundacion Pulso.
