Ady Thijsen a elabora awe rib’ un ley cu taxistanan ta envolvi. Riba esaki Linda Orman, representante di un grupo di taxista, a comenta cu esaki ta un wijziging publica den corant cu e ta bin cu ne.
El a bin cu un ‘Cabay di Troya’ net prome cu eleccion, segun Orman. Locual cu el a trece dilanti tin fout den dje.
Tin e taxistanan y no a sinta cu nan. Na 2018 a manda carta aden pa por sinta hunto riba cambiamento di e Landsverordening persoonsvervoer.
Na 2019 tambe a manda un carta. E unico cu a reacciona tabata parlamenatrio Hendrick Tevreden di MEP. Pero net e momento ey tabatin cosnan personal cu Orman no por a haci mucho cos.
Awo ta hayando sorpresa. A manda un concepto cu no a consulta. Thijsen no a ni mira kico el a pone preto riba blanco. Loke el a trece dilanti ta bypass control, e ta kita derecho y e ta contradictorio. Dado momento ta pone e palabra indefini y despues na final di e frase ta pone te cu 65 aña.
Otro cos ta cu ta bisa cu for di awo padilanti no mester uza firma di minister, ni e departamento concerni.
E departamento concerni yama Departamento di Transporte Publico. Eynan e ta pone cu no tin control. E hulpchauffeur por subi por ehempel, pasobra no tin control. No lo tin hende pa controla pa percura cu tur cos ta na ordo.
Si ta pone cu no tin mester di un hende pa controla, e ora lo tin un free for all.
Pa mas detaye lesa matutino TREMPAN.
