Dialuna anochi, den careda di 9or Taxi 419 ( Suzuki ) saliendo for di caminda di DOW na Wayaca pa tuma birada na su man drechi pa subi caretera principal, ta dal den un pick up ( Hilux ) blanco cu tambe tabata bayendo direccion nort rumbo rotonde di Wayaca.
E taxista su intencion tabata ta sigui core, segun e persona cu a yama. Polis a presenta na sitio mes ora. Daño material tabata considerabel.
E chauffeur di e Taxi 419 ta sospecha di tabata maneha bou influencia, ya cu ora cu el a supla, a supla 4 biaha e limite pa cual a transporte pa warda di polis. E la subi caretera sin tene cuenta cu auto riba caminda principal y bay dal den e parti na banda di e pickup, cu na e momento ey tabata transporta stoel plastico den e baki.
Door di impacto algun parti di e auto cu a kibra a bay spart te pa e otro banda di caminda y dal den auto cu tabata bin den direccion contrario kibrando su windshield un poco.
