Diaranson mainta trempan, algun trahado di Parke Arikok a bin topa cu un auto hinca den mondi, net banda di e caminda di santo den Rooi Frances, direccion di e santuario di burico.
Tabata trata di un Hyundai Accent, numera A-48666. E forma con e auto tabata hinca scondi den mondi a lanta sospecho cu esaki tabata trata di un auto cu posiblemente lo ta horta.
A pone polis na altura di e situacion y a presenta n’e sitio, pa asina tuma tur detaye di e auto y pa nan por saca afo si ta trata aki en berdad di un caso di joyriding.