Aruba ta den e era di inverti den tecnologia pa combati criminalidad. A inclui esaki tambe den e programa di Gobernacion di Gabinete Wever Croes II. Despues di a introduci camaranan di siguridad den temporada di carnaval na e puntonan strategico, awo a dal un stap dilanti, cu ayudo di SETAR, pa amplia e uzo di tecnologia pa combati criminalidad.
Durante un conferencia di prensa yama door di SETAR, Minister di Husticia Rocco Tjon a splica e uzo di tecnologia ta trece cu ne cu funcionarionan policial por bay traha mas a base di informacion, cu ta haci nan funcionamento hopi mas efectivo. “P’esey mi ta hopi satisfecho cu awe nos ta firmando e di cuatro fase di e Proyecto di camara di vigilancia hunto cu SETAR,” e mandatario a expresa.
Manera por corda publicacionnan recien, a implementa uzo di camecamaranan aki caba den sector hotelero. Beachside, hotzone, centro di San Nicolas, etc. E curason di Proyecto, esta e base for di unda e operacion di e seccion aki ta wordo maneha ta Savaneta. Y no mester lubida e 40 puntonan strategico pa Polis, unda cu a instala e camarananan caba.
Awo cu firmamento di e siguiente fase ta bay cuminsa implementa came aparatonan den e binnenstad di Oranjestad. Pa logra esaki a uni cuatro ministerio. Ta papia aki di Ministerio di Turismo (Dangui Oduber), Ministerio di Economia (Geoffrey Wever), Ministerio di Naturalesa (Ursell Arends) y naturalmente Ministerio di Husticia di Minister Rocco Tjon).
Durante conferencia di prensa di gobierno ayera tardi, Minister di Husticia y Asuntonan Social, Rocco Tjon, hunto cu director di Elmar NV, Anthony Irausquin, a firma un convenio pa loke ta trata e instalacion di 40 camara di siguridad rond di Aruba den cuadro di e proyecto di camara di siguridad di Ministerio di Husticia.
Minister Tjon a splica cu conforme e plan di maneho di Ministerio di Husticia y Asuntonan Social, cu e ta un enfoke pa inverti den tecnologia y innovacion y den cuadro cu esaki, entre otro, a inverti for di aña pasa caba den e proyecto di camara.
Historia
Na inicio di e aña’ki e mandatario a anuncia introduccion di e camaranan di siguridad pa yuda e funcionarionan policial den ehecucion di nan tareanan.
A splica cu instalacion di e aparatonan a cuminsa como un Proyecto piloto durante temporada di carnaval. Despues di evalua e proyecto piloto di camara di siguridad tur stakeholders, e minister bisa cu tur partner den e proyecto tabata positivo pa cu esaki y pa e motibo ey a pasa over na firma un convenio cu Elmar N.V. pa e di tres fase di e Proyecto y awo cu SETAR pa e di cuatro fase.
Den pasado a purba introduci un proyecto di camara, cu no a bay bon. A inverti miyones den e proyecto aki y nunca a wak su balor agrega tabata t’ey pa Cuerpo Policial. Esaki ta motibo pa cual ora cu a cumisna e proyecto aki a instala un grupo di profesionalnan, tanto di e sector publico como semi-publico y sector priva pa conseha Gobierno. E comision aki ta bou liderazgo di Cuerpo Policial y cada paso cu tuma ta tene cuenta cu si e camaranan aki lo ta di balor agrega unda cu ta pone nan. Pero tambe pa ta sigur cu tur e imagenann aki ta compatibel cu otro, cual ta e caso.
