Desde siman pasa, a drenta informacion cu tin un ciudadano Venezolano cu a sali bin Aruba den un forma ilegal, pero cu ainda, no sa nada di dje.
Y awe, e famianan na Venezuela pasobra nan no a haya sa nada mas di nan ser keri Leidy Yohana Salazar Lorza di 40 aña, conoci na Aruba como Leidy.
Segun e famianan Leidy tin varios aña caba bibando na Aruba, pero cu lamentablemente a deport’e pa Venezuela.
Unabes eynan y consciente di e riesgo cu un biahe asina por presenta, Leidy a dicidi haci e biahe aki den foto fo’i Falcon, sin aprobacion di su famianan. Pero mirando cu e tin su bida haci caba na Aruba y ta en espera di e proceso di su papelnan, e no a duda y a haci esaki.
Leidy ta casa cu un persona di Aruba mes net na momento cu a deporte. El a sali pa Punto Fijo, Estado Falcon na januari di e aña aki en busca pa efectua e biahe den boto.
Su famia a sigui conta cu el a keda cerca e aeropuerto bieu. Un conoci di nan a recomenda un intermediario cu cual el a organisa e biahe. El a hib’e Puerto Escondido pa keda cerca algun supuesto familiar, pa dos luna largo te n’e dia di su desaparicion.
E intermediario aki ta na Aruba. Pa motibo cu e fronteranan ta cera, e intermediario aki ta ubica un lanchero pa busc’e n’e limitenan di Aruba. Claramente a organisa e echo aki sin comenta ningun hende, ni famia, ni amigo. Hasta e intermediario a bisa Leidy pa no avisa ningun hende. Tur esaki e famianan a investiga, unda cu nan a bin haya sa cu Leidy tabata na un cas di famia.
Manera cu tur hende sa, el a sali dia 22 di maart fo’i Puerto Escondido p’e frontera maritimo di Aruba den careda di 6:00 am, cu e lanchero Arubiano, unda cu pa mas tarda 8:30 am mester a drenta e isla, si no a presenta ningun obstaculo.
E tabatin un lifevest colo oraño. E persona cu a ricibie a bisa cu Wardacosta tabata persigui nan y a dicidi di mand’e awa, confia cu e lifevest, na un distancia di 104 meter di costa, p’asina despista Wardacosta.
E lanchero a scapa, sinembargo mas dilanti nan a gar’e y a revis’e. Pero a lag’e bay. Pasa di mey ora el a bay bek n’e luga unda cu el a benta Leidy na awa, pero no a hay’e. El a busca cerca di e costa. Banda di 2:30 pm e intermediario a ubica un conoci dje famia pa informa loke a pasa, caminda esaki na su turno a comunica cu e famia na Venezuela.
E famianan a ubica e personanan unda cu Leidy tabata hospeda na Puerto Escondido y a manda nan un potret cu el a saca banda di 5:00 am prome cu el a sali, net nan tabata prepara p’e biahe cu e persona cu a hib’e n’e limite di e frontera maritimo cu Aruba, fo’i Venezuela. E persona en cuestion aki a sigura di a entrega Yohana n’e lanchero Arubiano y a confirma cu e tabatin un lifevest bisti, su celular lora den un saco di plastic, cu remedi y un cartera cu su documentonan den dje.
E famianan a notifica e conocinan na Aruba, sigurando di lo a yega e isla. E famianan a pensa cu posiblemente e tabata scondi y cu e por a comunica den marduga y no a aparece. E famianan na Venezuela a bay n’e lancheronan p’e buskeda. Segun e famia, ta bisa lancheronan pasobra e intermediario a busca doño di e boto cu cual a organisa e biahe y a duna e placa. Pero aparentemente esaki lo a manda un otro persona door di problema di salud.
Aki a sali pa busca un curpa cu lifevest of e pertenencianan di Yohana y e no a aparece.
No a haya nada. Doño di e boto a dicidi pone un denuncia anonimo falso a traves di un e-mail, incluyendo cu mas persona, pa supuestamente Wardacosta cuminsa cu e buskeda, unda cu a indica cu e boto a bay cu seis persona mas.
E famia a indica cu e conocinan na Aruba a avisa Wardacosta, cu a sali den buskeda di Leidy tanto den boto como den helicopter y no a haya nada.
Nan a sigura tambe cu Leidy no ta cera. E ora e conocinan a bolbe papia cu e personanan envolvi pa interoga y sa exactamente loke a pasa. A haci esaki tambe cu e personanan envolvi na Aruba, cual ta cambia hopi nan version unabes cu interoga nan. Nan ta papia di un posibel yate cu por a yuda. Nan ta papia cu e por a hoga. Tambe nan ta papia cu e por a yega tera, na un distancia di cual nan a tir’e den awa. Un ta bisa 104 y e otro ta bisa 200 meter. Hopi t’e versionnan di e echonan cu ta pone e famia den alerta, cu e nerviosismo cu nan no kier denuncia na polis, pasobra no kier problema cu ley.
Ta un siman caba cu Leidy a biaha y no a hay’e ningun caminda, ni a aparece, tampoco a topa cu su pañanan, ni e remedinan cu el a hiba p’e doño di e boto, kende ta un Arubiano, pa su malesa.
Su famianan ta kere cu ta trata aki di un secuestro, trata di persona, ya cu ni su curpa, ni su pertenencianan, ni su lifevest ta aparece.
E famianan a logra drenta den su Facebook y su WhatsApp, unda cu nan a haya varios number. Segun e famia, tabatin publicacion 24 ora despues di su desaparicion. Tambe a aparece cu riba su Facebook ta aparece cu e ta of tabata na Aruba. Ta p’e motibo aki mes e personanan involucra a menasa e famia y e conocinan na Aruba, cu ta yudando cu e buskeda y a exigi pa para esaki.
E famianan ta pidi p’e autoridadnan di Aruba, pa yuda haya Leidy y mand’e Venezuela. Nan sa hopi bon cu pa su edad, e no ta figura pa trata di persona, pero esun cu conoce en persona sa hopi bon cu e ta un hende muhe hopi bunita cu bon curpa, cu por ta candidato cualifica p’e delitonan aki. P’esey e famianan ta pidi e comunidad, pa laga xenofobia un banda y yuda busc’e. Si por a mir’e of scucha algo of si en caso topa cu ne pa yama autoridad of duna informacion di su paradero na +584141765463
Famianan ta conta cu Leidy ta un hende muhe trahado, luchado pa su yiunan. Tin mucha chikito y un mama destrosa wardando noticia. Ta p’e motibo aki mes, ken cu por sa algo di su paradero, tin empatia y curason y duna un man. Tambe ta pidi pa entreg’e biba den ki condicion cu e por ta, pero bibo, cu su famia ta sufriendo y ta dispuesto pa no entrega keho na autoridad. Di antemano, e famia ta pidi oracion pa Leidy y pa Dios bendiciona. Por ultimo ta spera cu por yuda cu e situacion aki y pa logra e aparicion di nan ser stima, Leidy.
