Un biaha mas diferente team di bolas criollas ta bay representa Aruba den e competencia internacional. E biaha aki e competencia ta tuma luga na Corsou e fin di siman aki. Aruba ta bay competi contra Corsou y Boneiro, unda cu tur team ta busca pa gana e titulo maximo den categoria dama y cabayero.
Un di e teamnan cu ta bay representa Aruba ta Tira Malo Pega Bon (TMPB). Nan ta un team conoci pa bataya y ta yega final. E biaha aki nan ta bay cu dos team di cabayero y un di dama, cu ta e campeon di wega internacional.
Un biaha mas e team di dama ta bay defende nan titulo di campeon. E team femenino ta conoci pa yega final na varios ocasion y ta bin cu e titulo di campeon, pero tambe sa gana miho boche y arime. E meta ta pa haci esey un biaha mas y p’esey diamars anochi nan a tene un ultimo training.
Nan ta cla pa representa Aruba. Manera añanan anterior, nan ta bay cu uniform nobo y un biaha mas ta bay cu tres nobo. E hungadonan di Tira Malo Pega Bon Bolas Team ta cla pa representa Aruba na Corsou. E team femenino ta cla pa defende nan titulo un biaha mas.
