A tuma nota di un scam unda cu personanan desconoci a haci uzo di un campaña di un hotel local pa penetra memey di e commentnan y trata di saca probecho financiero di esaki.
E campaña di e hotel local aki a haya hopi reaccion for di localnan cu a haci nan comentario pa trata di gana e premio. Pero a cay den trampa di scammers. Memey di e commentnan a pone un logo parecido na esun di 24ora.com y a bisa e persona(nan) cu nan a gana premio. Pero esaki ta fake.
Loke ta resaltante ta cu e scammers ta pidi pa un creditcard. Mester bisa cu ni e hotel ni 24ora.com lo pidi un persona participante na un campaña pa un creditcard. A bin descubri esaki ora cu un “ganado” a yama 24ora.com pa informa cu nan a bis’e cu el a gana un premio di un hotel local. Ora cu a bay averigua, a bin descubri cu un scammer a hinca su mes memey di e commentnan di e campaña riba Facebook.
Un alerta ta bay na tur persona cu share&like riba e campaña en cuestion, cu niun di dos organisacionnan aki ta para responsabel na momento cu bo duna un desconoci datonan di bo creditcard. Tene cuenta cu esaki.
