Dialuna anochi alrededor di 7:45 pm polis a duna un truck señal pa para na altura di Domino’s Pizza na Palm Beach. Na momento cu polis a bay atende cu e chauffeur, a nota su comportacion hopi straño.
E tabata purba modo di huy pa polis door di habri porta y haci maniobra straño. Mirando cu e no tabatin rijbewijs y no por a demostra un identificacion pa ta riba nos isla, no a keda e polisnan nada otro di detene e homber aki.
Ora a hinc’e den e patruya di polis, pendiente e transporte policial, e homber a haya ta bon di habri e porta y ranca un careda na pia. E polisnan no a basila y a bay su tras y mand’e suela.
Mirando cu e no por a sinta warda trankilo den airco, e polisnan a haya nan ta boei e homber na pia tambe. Un rato despues e transporte policial a presenta y nan a hib’e pa warda di polis caminda a present’e dilanti un subfiscal.
Tur cos ta mustra cu lo pasa e homber pa departamento di Guarda Nos Costa kende lo sigui cu e proceso di deportacion.
Tur cos ta indica cu sea nan tabata direccion pa un evento of cu a termina na un evento. Un rato despues, doño di truck a presenta pa responsabilisa su mes pa truck, mirando cu e pasahero no por maneha e truck. Na nan turno, polis a duna e propietario un multa mesora.
