Den fin di siman a tuma luga e torneo di Copa ABC na nos hermana isla Boneiro. Varios ekipo di Boneiro y Aruba a participa den e torneo di 40+ di softball aki. Entre nan, e ekipo Survival di Aruba bou liderazgo di Ryan Tromp. Na nan yegada di Aruba, 24ora.com a ricibi nan na aeropuerto. Nan no a yega cas man bashi, pero cu trofeo di campeon den.
Ruyan Tromp a indica cu nan a hunga cinco wega pa cual a perde dos pero na final a titula campeon. Tur team a topa otro, cuater team di Aruba y dos di Boneiro. Survival un biaha mas a demostra cu nan t’e miho.
![](https://24ora.com/wp-content/uploads/2024/05/6B3A1429-1920x1280.jpg)
For di trempan a prepara pa por a haci un tremendo papel na Boneiro. Locual ta impresionante ta cu na 2023 a titula campeon y awo na 2024 un biaha mas a bay cu e trofeo.
Un delegacion grandi a biaha pa Boneiro, for di coach, hungado, fanatico y ekipo di sosten tambe. Entre seis pa shete wega a dal mas cu binti homerun. Apart di wega, a tuma tempo pa core rond di Boneiro y disfruta un poco tambe. Na final, ta mira bek riba un fin di siman exitoso.
![](https://24ora.com/wp-content/uploads/2024/05/6B3A1445-1920x1280.jpg)
![](https://24ora.com/wp-content/uploads/2024/05/6B3A1415-1920x1280.jpg)
![](https://24ora.com/wp-content/uploads/2024/05/6B3A1409-1920x1280.jpg)
![](https://24ora.com/wp-content/uploads/2024/05/6B3A1449-1920x1280.jpg)