Diasabra atardi alrededor di 2:30 pm polis a ricibi informacion di supuesto pakete cu tabata drif yegando costa parti pariba di nos isla. Nan no a pens’e dos biaha y a mara trot y bay direccion Sero Colorado. A cuminsa tur rond di costa den patruya pero no a topa cu nada. A pidi presencia di helicopter tambe p’asina yuda cu e buskeda.
A helicopter a keda basta rato ta busca rond di tur e bocanan, pero nada. For di Boca Grandi, Boca Druif djey bay te Punta Basora pero na final no a topa cu nada. Sea ta sushi nan lo a mira of cu e pakete a disparce prome cu polis a yega. Mirando e prome informacion cu a ricibi, a activa e departamento di droga di polis pa nan keda riba un “stand by”, pero na final nan presencia ya no tabata necesario.
![](https://24ora.com/wp-content/uploads/2023/10/6B3A9925-1920x1280.jpg)
![](https://24ora.com/wp-content/uploads/2023/10/6B3A9913-1920x1280.jpg)
![](https://24ora.com/wp-content/uploads/2023/10/6B3A9903-1920x1280.jpg)
![](https://24ora.com/wp-content/uploads/2023/10/6B3A9899-1920x1280.jpg)