E homber aki ta un pompado grandi. E ta bezig ta dal basta hende cabes abou. Papia dushi y papia bunita ta su strategia pa convence hende cu nan por gana hopi placa cu nan inversion via stockmarket cu e ta handle. E ta ranca sumanan cuantioso na dollars.
Ta sumanan di miles di dollar cu e ta pidi e hendenan pa asina e pone supuestamente riba stockmarket. E ta manda bo varios captura di computer pa haci comosifuera bo ta generando ganashi riba e mercado internacional. Ora bo cuminsa pidi e placa di ganashi su storianan bunita ta cuminsa sali. Un sin fin di storia cu ta pone hende na dado momento busca atencion di autoridad pa no tuma ley den nan man. Alexis Suede ta un di e nombernan cu e ta duna. E homber aki tin casi denuncia haci contra dje na recherche. Por spera cu un ora pa otro fiscal ta pone man riba dje. Awe nos ta expone e supuesto Alexis Suede cu foto pa evita cu e por yega cerca abo tambe cu un bunita storia y laga bo cay den su trampa.
Te ainda e no por entrega e suma cu nan a dun’e pa inverti riba e supuesto stockmarket. Entre esunnan cu a confia Alexis Suede, tin cu ta cla pa atende cu su asunto personalmente. Pero ta laga un rato pa autoridad mes cana su caminda. Alexis Suede parce ta buscando un chens pa bandona Aruba na cualkier momento.
P’esey ta importante pa autoridad traha lihe cu tur e denuncianan cu ya caba tin contra dje. E homber Alexis Suede recien a sinti cu tin hende a cuminsa fada di su storianan. El a bay asina leu di gaña cu el a ser atraca. Cu e tabata cu su yiu y nan a comete atraco arma dale cu pistol den cabes. Full un bunita storia pero a resulta cu ta puro gañamento.
Hasta el a medio pinta su cabes pa mustra cu ta un golpi e tabata. A para dilanti di IMSAN pa haci comosifuera el a bay pa asistencia medico. Ora a bay check mas leu nada ta berdad. Su famia mes a confirma cu ningun rato Alexis Suede tabata victima di atraco. Pio ainda cu e storia cu su yiu tabata t’ey no ta cuadra. Un yiu cu pasa den un drama asina manera Alexis Suede ta bisa lo ta trauma. E yiu tabata core den cura cu amigo ora a bay investiga indicando cu ningun rato so e tabata envolvi den cualkier atraco cu e tata. Individuonan asina ta hopi peligroso y mester expone nan pasobra e ta keda busca mas hende pa ranca placa for di nan.
Ora bo deposita placa riba su cuenta pa stockmarket e ta move of lanta parti grandi di e placa mesora. Spera cu autoridad actua mesora prome cu algo mas grandi pasa of Alexis Suede bandona Aruba.
