Sospechoso Pascual Brown deteni den caso di asesinato di Richie Genao na Brazil. Den oranan di marduga, recherche di San Nicolas a haci un entrada hudicial na un apartamento den Olijfistraat, relaciona cu e asinato cu a tuma luga na Brazil. A detene e homber Pascual A.Brown, naci na Aruba, di 22 aña di edad.
Por corda cu dialuna 12 di april anochi a drenta informacion riba un tiramento na un cas na Brazil cu un persona seriamente herida. Polis a bin cu maximo urgencia na e sitio, unda cu nan a bin topa cu e victima benta abao y apenas tabata halando rosea.
![](https://24ora.com/wp-content/uploads/2021/04/sospechoso.jpeg)
Lamentablemente pa 11:50 pm, dokternan a constata morto di Richie M. Genao-Tavarez, di 20 aña di edad. Inicialmente testigonan a duna di conoce cu nan a mira un auto preto pasa dilanti di e cas y los un tiro. Mas laat a haya version inoficial cu polis tabata den buskeda di un vehiculo marca Nissan, modelo March tipo RHD (stuurwiel na banda drechi) cu no tin glas tint, pero no a por a specifica kico color e auto mes ta. Tambe a duna seña di e chauffeur como un persona hoben color bruin cla cu un pechi color preto bisti.
Mientrastanto awe mainta a drenta informacion cu tin un sospechoso deteni y cu e persona en cuenstion ta su mesun amigo.