Diadomingo den ora trempan di mainta, mas of menos despues di 5:30 am, un homber a yega su cas na Palm Beach. E homber ta un conoci di polis, pues den pasado polis mester a bay e mesun cas pa un situacion similar. Segun informe no oficial, e homber a yega cas despues di un paranda y a cuminsa haci fastioso cu su casa.
Su comportacion tabata agresivo y e tabatin un baranca den su man. Mirando su comportacion, su casa no tabata kier p’e drenta cas y a laga sa cu e por drumi den patio pero no den cas.
Dos patruya a yega na e adres y a intermedia den e problema di pareha aki. Finalmente a logra trankilisa e situacion y e homber a dicidi di sosega su curpa den patio mes.
