Manera cu a sali na cla e problema di e piscadonan di e pier na Rancho, mesora Stichting Nos Aruba a bin dilanti pa duna un man.
Michael Williams ta bin dilanti pa pueblo unda cu su voz no ta yega leu. E tipo di gritonan aki ta habri orea y bista di pueblo y pueblo mester sa.
Gobernantenan ta bin y bay y pueblo ta keda. E pier na Rancho, piscadonan mester tin acceso na dje.
Historia di pasado a mustra con awe cierto caminda no por drenta mas pa yega canto di awa, canto di beach. Mester para e cos aki awe mes.
Stichting Rancho a invita Stichting Nos Aruba pa asina tey presente y pa por yuda pa para loke ta yama den pueblo corupcion y fechoria.
Dia 22 di october Stichting Nos Aruba hunto cu Stichting Rancho tabata na e pier y hunto cu e piscadonan, a duna di conoce kico ta e proyecto y kico ta rond di e proyecto.
Di biaha, como Stichting Nos Aruba, a tuma contacto cu diferente instancia di gobierno y tambe e ex minister Marisol Lopez-Tromp, kende no tabata sa kico ta pasando y a bisa cu e lo no coopera cu ningun di e fechorianan cu ta pasando actualmente.
