Stichting Kompas for Students ta contento pa anuncia un serie di evento completamente gratis pa mehora e bienestar emocional y mental di studiante di Caribe na Hulanda: Nos awe, bo mañan.
· Evento 1: Art to destress
· Lo tuma luga dia 21 di september awor na Amsterdam.
· Un tayer tocante stress cu un experto, sigui door di un actividad di Sip & Paint. Arte ta un metodo cu mundialmente ta uza pa combati ansiedad y stress, alabes ta mehora memoria di e persona.
· Evento 2: Food for thought
· Lo tuma luga na october, Utrecht
· Evento 3: Move your body
· Lo tuma luga na november, Utrecht
· Evento 4: Networking
· Lo tuma luga na december, Utrecht
Tur studiante cu ta biba na Hulanda por registra pa tur evento y ta completamente gratis pa atende. Stichting Kompas for Students ta comprometi na empodera studiante Caribense cu e serie di evento aki, y yuda tur studiante mehora nan bienestar emocional na Hulanda. Pa mas informacion y registracion pa evento 1, bishita e registration form. Keda pendiente pa mas informacion tocante otro evento.
Tocante Stichting Kompas for Students:
Stichting Kompas for Students, un fundacion dedica na preparacion y guia di studiante Caribense na Hulanda. E fundacion ta enfatisa riba e habilidadnan esencial pa bida, bienestar emocional y mental, experiencia y conocemento financiero. Stichting Kompas for Students ta ofrece tayer preparatorio na Caribe, check-ins cu studiante nobo na Hulanda, guia studiante durante nan trayectorio na Hulanda y ta ofrece diferente actividad na Hulanda.
