Stichting Ambiente Feliz ta organisa diasabra, 6 di juni, un dia recauda fondo. Aunke cu nan ta ricibi subsidio, esaki no ta yega y p’esey ta organisa diasabra awo evento di recauda fondo.
Lukee Croes, beleidsmedewerker, a splica cu nan ta bay tin un mainta di colecta y esaki ta tuma luga diasabra, dia 6 di juli, cuminsando pa 9:00 am. E colecta lo tuma luga na e fundacion mes, esta Stichting Ambiente Feliz, cu ta situa na Santa Cruz dilanti Huchada. Nan lo haci e colecta aki te cu 1:00 pm.
P’e dia aki lo tin ambiente musical, unda ta bay tin DJ, algun boluntario cu lo yuda e mainta ey. E meta ta pa recauda fondo p’e budget anual cu nan tin pa cuminda. Segun Croes, hopi hende tin e pensamento cu nan tin placa pasobra nan ta haya subsidio di gobierno, pero tin cu realisa cu costo di bida a subi.
Pa hopi aña e budget a keda mesun cos y esey ta un reto pa nan pa yega na loke nan mester tur luna. Banda di esey tin e clientenan, specialmente esunnan cu ta na Cas Briyante na San Nicolas, cu ta esunnan cu ta rekeri cuido y dieet special. Tambe mayoria di nan clientenan cu e edad ta birando halto. Y esey ta pone cu ora hende ta subi di edad, esey tambe ta rekeri otro tipo di cuminda, otro tipo di cuminda balansa.
Nan ta invita comunidad pa pasa diasabra mainta na nan colecta door di pasa cerca nan na Santa Cruz. Si ta cu un florin mes, nan ta spera di por yega nan meta p’e proximo lunanan.
Pa mas lesa TREMPAN.COM.
