Riba e dia di awe Stellaris Casino a malcria tur tata net prome cu nan celebracion. Ofo Escudero, Casino Host, a expresa cu a honra e tatanan cu hopi premio den e ballroom. Tabata un atardi ameno caminda a invita e tatanan hunto cu nan famia. Stellaris Casino tabata honra cu e presencia di e tatanan. Riba e anochi di celebracion aki, tur tata a ricibi 100 dollar “free play” pa hunga riba e mesun dia. Ademas, tur tata honra lo ricibi 100 dollar tur luna pa 1 aña largo.
Stellaris Casino a prepara un area di cuminda cu “no ta normal”. A prepara algo leuk pa tur e tatanan y nan famia. Tambe tabatin entretenimento cu musica en bibo. Despues di e rato ameno den ballroom, lo pasa pa e casino caminda cada ora a saca seis ganado. Diasabra anochi, Stellaris Casino a reparti no menos cu 5 mil dollar na premio. Esaki tabata e antesala di diadomingo.
Diadomingo lo tin e sistema nobo di “deal the cash”. E sistema nobo aki ta duna e cliente mas oportunidad pa e participante gana. Dia di Tata ta e miho momento pa inaugura e sistema nobo aki.
