Manera tur aña Stellaris Casino ta gradici su clientenan pa semper ta cerca nan. Cu ambiente di Grupo Betico a reparti basket na su Tier players.
Ofo Escudero, anfitrion di Sellaris Casino, a indica cu tabatin un total di 514 basket na tur su Tier players. Den ballroom di Marriott tabatin un locura completo, unda cu tur hende tabata yega y sali man yen cu nan respectivo basket prepara pa nan. Mientras cu nan tabata busca nan basket, tabatin ambiente cu Grupo Betico, den background tabatin musica.
E trahadonan tabata guia e personanan unda pa bay y tur esaki dependiendo di Tier, esta plata, oro, platinum of black. Pa cada un persona cu ta fiel cliente tabatin un basket. Desde diamars te cu 289 di december tur hende cu ta acumulando 25 punto na e slot machine di Stellaris Casino ta bay haya un ticket pa participa den e ultimo promocion di ‘Deal the Cash’ unda a reparti caba mas cu 25 mil dollar na premio.
Escudero a indica cu diadomingo ultimo ya caba tabata uno di locura, pasobra den total a reparti diestres mil dollar entre e hungadonan. Dia 28 di december desde 8:00 pm ta bay cuminsa cu cinco lucky winners cu tin chens pa bay p’e promocion di ‘Deal the Cash.’ Tambe ta bay tin un ganado p’e palet di basket di cos pa famia, pa esunnan cu ta bin bishita bo. Tur esey por gana pa ora cuminsando desde 8:00 pm. Ta bay tin cinco ganado den e promocion di ‘Deal the Cash’ y un ganado di basket.
Stellaris Casino ta invita tur su hungadonan pa tin chens di gana premio prome cu aña bolter. Esaki ta algo cu Stellaris Casino ta duna bek na su hungadonan. Stellaris semper ta laga bo sinti cu bo ta parti dje experencia ganado y ta duna bo un experencia di ta ganado. “Con cu bo wak e, pa tur locual bo a pasa durante tur e aña, Stellaris ta duna bo bek’, el a indica. Esey ta algo cu por a mira refleha den tur cara di con contento nan ta bira, cana bay na auto, ta laga yiu bin cu auto mas cerca pa hinca tur locual nan a ricibi.
Pa Stellaris Casino ta un satisfaccion pa mira e caranan contento.
