Manera a ser treci dilanti den medionan di comunicacion cu dia 22 di November 2018, cu ta Dia di Santa Cecilia, e Patrona di Musiconan.
Departamento di Cultura Aruba (DCA) bou auspicio di Ministrio di Cultura a haci entrega di un map cu copia di Biografia, un DVD di entrevista, y un pin di Aruba como gesto di participacion na e Proyecto ‘Biografia di Artista di Musica Arubano’, contribucion na Aruba su Cultura.Tambe a ser entrega un Pen cu nomber di e Artista graba riba dje den e cuadro di celebracion di 40 aña di DCA.
Tur esaki 12 Artista di musica Arubano a ricibi.
E Proyecto ‘Biografia di nos Artistanan di Musica Arubano’ ta un Proyecto cu ta investiga e trayectoria artistico di Artistanan local cu pa un tempo largo a aporta na desaroyo artistico y cultural di nos pais Aruba.Riba e dia Sr. Luisito Rudolf Olive ( Roy) tambe mester a ricibi dicho reconocemento, pero door cu e tabata sufri di un kebranto di salud no por tabata presente riba e dia menciona. Sr. Olive a ricibi un pabien y su Map corespondiente cu tur contenido aden manera ya menciona riba dia 24 di Januari 2019 na Departamento di Cultura Aruba. E entrega a ser haci door di drs. Siegfried Dumfries, director y tambe Chencho Kelly cu ta lider di e Proyecto “Biografia di Artista di Musica Arubano” den presencia di mr Angeline Vrolijk-Maduro, mr Lisette Arends-Maduro y sr. Robert Maduro di DCA.
Na su turno Sr. Olive a gradici tanto Departamento di Cultura Aruba pa e bunita trabou y na tur esnan cu a haci esaki posibel pa cu e Biografia di su Persona. Na final e la bisa cu sigui cu e bon trabou, pasobra e proyecto aki ta algo hopi bon pa nos cumunidad haya sa di e herencia cultural cu Aruba tin di cada un Artista Arubano riba tereno di musica. DCA ta continua cu un di su prioridad y aporte riba Arte y Cultura.
