Diasabra, 14 di october, 2023, tin un ecplise solar cu aki na Aruba nos por mir’e parcialmente. Areanan manera nort, center y zuid America lo mir’e completo. Tambe e lo ta visibel na algun parti di Merca, Mexico y diferente otro pais mas.
Fanaticonan di Astronomia aki na Aruba a cuminsa cu preparacion caba pa e evento special aki. Den cuadro di e show astronomico di october awo, a combersa cu Jeremio Maduro, vice-presidente di Space & Nature Aruba Foundation.
Aruba lo presencia un eclipse solar parcial, y e fundacion despues di basta tempo ta organisa algo unda cu e publico por acudi y mira esaki hunto cu e directiva di e fundacion. Esey lo ta den aula di EPB Oranjestad, entre 12:00 pm y 4:30 pm, unda cu lo tin telescop instala y tur hende presente por mira e evento aki live via pantayanan grandi paden.
Aki na Aruba, nan a a calcula, por cuminsa mira e eclipse rond di 12:24 y e lo finalisa 4:20 pm, pero lo tin mas actividad.
Ta bay trece splicacion di kico ta solar y lunar eclipse. Ta bay estrena e planetario, prome biaha na Aruba y ta unico den su estilo den Caribe.
Ultimo biaha cu Aruba a conoce un eclise solar total tabata na 1998. Esun di e biaha’ki ta parcial pasobra 60% di e solo lo tapa. A dicidi toch pa haci algo pa atrae atencion di principal hobennan, crea un interes cerca nan riba loke ta Astronomia.
E fundacion ta bay tin na benta brilnan special pa e evento aki. Pero via di nan cuenta riba Facebook lo por haya tur informacion riba e evento aki y otro actividadnan di e fundacion.
