“Spaar Mas” ta un programa unda cu e cliente por acumula punto y awo a haya un partner nobo cu ta Bingo Aruba. Di e forma aki e miembronan di “Spaar Mas” por acumula mas punto.
Como un premio special pa e union aki, awe (diahuebs), e clientenan por gana un suma di 250 florin na gasolin.
Tabata durante un conferencia di prensa cu Humberto Acosta (Citgo Boulevard) y Ofo Escudero (Bingo Aruba) a haci e anuncio aki. Y pa celebra e union aki a bini cu e premio.
Humberto Acosta a informa cu e programa di acumula punto “Spaar Mas” ta sigui crece. E programa aki ta disponibel pa clientenan cu cumpra gasolin na Essoville, Santa Cruz, Ponton y Boulevard.
Fanaticonan di Bingo por cumpra e carchinan di Bingo Aruba y gana punto cu “Spaar Mas”. Pues cada bes cu cumpra carchi di bingo ta spaar mas. Y tambe ta gana punto yenando tanki di bo auto cu gasolin of diesel cumpra na e pompstationnan menciona.
Mester subi e Facebook di Bingo Aruba unda ta haya un flyer riba “Spaar Mas” y esnan cu share & like esaki automaticamente ta participa pa gana 250 florin.
Y pa e wega di tur siman corda cumpra carchi di Bingo Aruba y unda cu bo cumpr’e ta acumula punto.
