Relaciona cu e caso di ladronicia y benta di articulo horta, e sospechoso deteni mester a presenta na departamento di recherche na Wayaca pa asina pasa door di e proceso di interogacion.
Te na e momento aki e persona ta deteni. E caso ta relaciona cu un kayak cu a horta na un cas den luna di februari. A pone un denuncia y ayera e sospechoso a purba di bende e kayak aki via vraag en aanbod. E propietario a reconoce su pertenencia y a pretende di ta un cumprado interesa mientras a pidi polis pa asistie na Rooi Afo pa efectua e supuesto compra.
Mientrastanto recherche ta continua cu e investigacion pa asina resolve e caso y acumula prueba contundente riba su culpabilidad.
