Awe tardi durante cobertura di e candela na cas di ex Minister Otmar Oduber na Pavia Country Club # 123, a sosode un situacion peculiar. E ex mandatario, awendia Coordinador di Minister Andin Bikker, a sali pafo y purba agredi nos reportero estelar Nelson “Speed” Andrade. El a haya sosten di su socio, e conoci di husticia, Ralph Maduro, cu a tira e celular abou.
Na momento cu Ralph Maduro a “purba” tira mokete, mesora nos colega a manda Maduro tera. Na e momento ey, lider di POR a haya un forsa y a agredi nos colega di trinshon y na suela. Ex-coordinadornan di e ex-Minister a core bin kita Ralph Maduro pa e no mester guli mas stof na suela.
Polis a detene Maduro atrobe, e biaha aki no pa agresion di hende muhe, sino pa destruccion di un celular y intento di maltrato…e biaha aki contra hende homber, pasobra den pasado a bay cera pa maltrato di hende muhe.
Otmar Oduber, ora a mira cu su socio a bay cera, diripiente a “sinti su curpa malo” y a pidi pa Ambulance presenta na e sitio. A hib’e Hospital mesora pa tramento medico, pa evita detencion mesora.
Entretanto nos colega Nelson Andrade a entrega keho na autoridad pa “openlijk geweldpleging”, esta pa pelea den gang riba caminda publico. Ban mira awo con Ministerio Publico lo atende e caso di maltrato aki, teniendo cuenta cu e sospechoso, ta coordinador di Minister di Husticia!
