Dialuna mainta a lanta tenso pa local ta trata e situacion entre Sindicatonan y Gobierno. Pa 3:45PM ta drenta reunion Gina Maduro di ABV, Magaly Brito di SEPPA, Edward Maduro di SADA, Jose Dirkz di SPA y consecuentemente Josephine Albertus di SIMAR despues di termina cu reunion cu Minister Lampe.
Magaly Brito na su yegada na Bestuurskantoor ta comenta riba e echo cu trahadonan ta mal contento. Situacion di siman anterior ta keda vigente y malcontento riba diferente tereno/ tema ta locual cu nan ta mira cu lo a pone cu Gobierno lo a yama un reunion cu e sindicatonan. Un siguiente reunion ta programa pa diaranson tambe. Reunion lo ta riba diferente topico pero pendiente sigur lo a keda e medidanan cu a implementa cu no ta di acuerdo con nan a bay y ta spera cu na mesa y cu dialogo por yega na otro.
Yama na e reunion extraordinario aki di dialuna tambe t’ey presente Edward Maduro di SADA, kende por a compronde cu e topico lo ta dialogo cu sindicato y ta curioso pa sa kico e dialogo aki ta encera.
Jose Dirkz di SPA tambe a haya invitacion cu caracter di urgencia. Saliendo di e punto di bista cu e miembronan di SPA ta malcontento. Por a tuma nota fin di siman cu e accion cu Walk Out na tur warda di Polis despues di expresion di president di ABV Gina Maduro cual nan no lo acepta. Durante reunion lo ta pendiente kico por spera di Gobierno mirando cu tin indicacion cu lo tin mas medida na caminda. Ta spera cu esaki no ta e caso.
Na yegada pa reunion, Gina Maduro di ABV tabata corto y no a duna declaracion y a opta pa warda riba su miembronan pa asina duna un splicacion amplio en conferencia di prensa mañan diamars.
Coleganan di 24ora.com lo ta na salida di cada sindicato pa asina informa e comunidad di kico tur tabata e resultado di e dialogo y kico a bin afo di e reunion extraordinario cu Conseho di Minister.
