Di aña 2014 trahadonan di UPA a obheta p’e mudamento di WAF pero no tabata pa motibo cu a bay Barcadera. E motibo tabata p’e huma di WEB y esaki lo ocasiona daño na nan salud. Cu yudansa di mediador, pa cuida nan salud, a cuminsa cu investigacion. UPA a lanta un caso contra ASTEC p’e situacion cu nan ta den dje.
Arbo Unie a haci un investigacion na 2016 y a constanta cu e humanan ariba algun stof no ta bon pa salud, pero semper bou e margen cu hende por traha. ECO Vision a haci investigacion riba algun stof den aire, a saca afo cu e norm ta bou y a bisa cu mester di mas tempo pa haci mas investigacion, si enberdad ta e stofnan ey so y no ta pasa e norm na waf.
Na 2018 e kehonan di trahado ta grandi, ECO Vision a bolbe presenta, pasobra e ziekte verzuim tabata basta halto na ASTEC. E normnan tabata abou, pero a constata door di mira e muraya y heronan di tin color berde, pero cu combinacion di e huma di WEB, por ta posibel cu tin zwavel zuur den aire. Den un rapport na 2018 a determina esaki, pero UPA nunca a haya esaki.
Te na luna di juni UPA y nan abogado a haya e rapport aki. No a haci investigacion riba zwavel zuur, esta acido. P’esey UPA a manda un carta na directiva di ASTEC y pidi pa haci un investigacion riba esaki. A haya e informacion despues di dos aña cu ASTEC tabata tin esaki, a pidi pa un investigacion pero e compania a nenga.
Esey ta e motibo cu a cuminsa un kortgeding, pero ASTEC a acerca nan y bisa cu ta dispuesto pa haci investigacion riba zwavel zuur. Nan ta spera cu den aire no tin zwavel zuur y e investigacion por saca afo cu tin stofnan, cu no ta dushi pa traha den nan, pero por handle. Tambe ta spera cu e partidonan por traha hunto y e compania independiente por haci investigacion pa kita tur siguridad di tur hende. Y pa ASTEC permiti cu trahadonan por stop trabou ora ta desea di stop esaki door di e huma rond di nan.
